Zindagi ka Ajab Muamla Hai ..!

Kis Se Izhaar-e-Mud’daa Kijiye…
Ap Milte Nahi Hain Kya Kijiye…

Ho Na Paya Ye Faisla Ab Tak…
Aap Kya Kijiye To Kya Kijiye…

Aap The Jis K Charagar Wo Jawaa’n…
Sakht Bemaar Hai Dua Kijiye…

Ek Hi Fun To Hum Ne Seekha Hai…
Jis Se Miliye Usse Khafa Kijiye…

Hai Taqaza Meri Tabiyat Ka…
Har Kisi Ko Chiraag Pa Kijiye…

Hai To Bare Ye Aalam-e-Asbaab…
Be’sabab Cheekhne Laga Kijiye…

Aaj Hum Kya Gila Karein Us Se..?
Gila-e-Tangi-e-e Qaba Kijiye

Natq Hewaan Par Giraa’n Hai Abhi…
Guftugu Kam Se Kam Kiya Kijiye…

Zindagi Ka Ajab Mamla Hai…
Ek Lamhe Mein Faisla Kijiye…

Mujhko Aadat Hai Rooth Jane Ki…
Aap Mujhko Mana Liya Kijiye…

Milte Rahiye Issi Tapaak K Sath…
Bewafai Ki Inteha Kijiye…

Mujhse Kehti Thien Wo Sharaab Ankhien…
Ap Wo Zeher Mat Piya Kijiye…

Rang Har Rang Mein Hai Daad Talab…
Khoon Thookun To Wah Wa Kijiye…

(Jon Elia)